Zer da eta zerk eragiten du dislexia?

Dislexia, irakurketan eta idazketan eragiten duen trastornoa da. Trastorno hitza entzutean, arazo hau duen umeak nolabaiteko eskasiaren bat izango duela pentsarazten dugu, baina hala al da? Erantzuna, ezezko borobila litzateke, izan ere, dislexia duen umeak ez du zertan inolako eskasiarik (intelektuala, sentsoriala, emozionala …) jasan behar. Orduan, non izango ditu zailtasunak haur dislexiko batek?

-Letren (banaka nahiz multzoka) bereizketan. Adibidez: “p” eta “q” nahasten ditu.

-Letren ordena jarraitzea zaila egingo zaio.

-Esaldien estrukturazioa egitea arazoa izango da berarentzat.

-Testuak edo hitzak memorizatzeko arazoak izango ditu.

Beraz, esan daiteke, dislexia ikus-koordinazioaren alterazioekin lotuta dagoela. Baina, zerk eragiten du dislexia izatea? Badago dislexiak oinarri genetikoak dituela dioenik ere baina hori alde batera utzita, Kausa askok eragin dezakete gaixotasun hau. Nolabait multzokatzeko bitan banatuko ditugu. Batetik, gatazka psikikoek lotura zuzena dute, izan ere, umearen ingurua egokia ez bada eta umeak uneoro tentsio eta presioak jasaten baldin baditu, posiblea litzateke dislexikoa izatea. Bestetik, faktore neurofisiologikoek ere eragin zuzena izan dezakete, umearen nerbio sistema bere adinak eskatzen duena baino geldoago garatuz gero, dislexia jasateko arrazoi zuzen bat izan baitaiteke.Dislexia trastorno multzo baten manifestazioa dela esan daiteke. Kasu batzuetan, trastorno horiek modu global batean ager daitezke, baina gehienetan, batzuk baino ez dira agertuko modu isolatu batez: 

LATERALTASUN TXARRA	PSIKOMOTRIZITATEAREN ALTERAZIOAK	TRASTORNO PERTZEPTIBOAK
-Ordenaketa trastornoak: espazio eta lengoaia ikusketan. -Motrizitatean eragina: trazu grafikoak gaizki definitu, eskulanetan traketsa …	-Erritmo falta: irakurketan zein idazketan. -Oreka falta: oreka estatiko zein dinamikoa mantentzeko zailtasunak: hanka baten gainean egotea, salto egitea, bizikletan ibiltzea … -Gorputz eskemaren ezagutzan urritasuna: bere gorputzaren ezkerra eta eskuina desberdintzea …	-Ezkerra eta eskuina, goia eta behea, desberdindu ezean, irakurketan eta idazketan zailtasunak izango ditu umeak.