Kaixo guztioi!!
Hemen natorkizue beste sarrera batekin. Niretzako interesgarria den arren, espero gainontzekoentzako ere horrela izatea. Gaurkoan hizketan ematen diren nahasteei buruz idaztea erabaki dut, arazo honek ere eskolan zailtasunak ekar baititzake. Hau horrela, hasi egingo naiz.
Hizketaren nahasteak aipatzean, ahotsean, erritmoan, erresonantzian edota artikulazioetan kalteren bat dugula esaten ari gara. Hortaz, nahaste hauek seitan banatu ditut horrela era labur eta ulerkor batean azaltzeko.
Ahotsaren emisioan gertaturiko alterazioei deritzogu disfonia, hots, ezaugarri akustikoen ondoezari. Disfonia, ahotsa era desegokian erabiltzearen ondorioz sortzen da eta berau zaintzeko modurik onena litzateke: ahotsari atsedena ematea, birgaikuntza foniatrikoa eta tratamendu antirreflujoa eta azkenik, ebakuntza egitea.
Nerbio sistema zentralean edo periferikoan sorturiko lesioa tarteko delarik, ahotsean, erresonantzian, arnasketan edo ahozkatzerakoan izan dezakegun arazoari deritzogu disartria.
Fonemen artikulazioak arazoak baditugu dislalia audiogenoa izan dezakegu, beti ere, entzumeneko arazoren batek sortua bada.
-DISLALIA FUNTZIONALA:
Kasu honetan ere fonemen artikulazioan arazoak izango ditu arazo hau pairatzen duen haurrak, baina, aurreko kasuan ez bezala, arazo hau artikulazioa posible egiten duten organoen funtzionamendu okerrak eragindakoa izango da.
Disfemia edo toteltasuna, hizketaren jario eta erritmoan arazoak dituenak jasaten duen arazoa litzateke.
Kasu honetan, hizketarako organoen malformazioek edo lesio fisikoek artikulazioan, hots, fonemen artikulazioan eragin eta berau era egokian egiten ez uzteagatik sortzen diren gorabeherei deritzogu.
No hay comentarios:
Publicar un comentario